數據銷毀 (Data Erasure) 主要針對儲存資料嘅電子設備, 包括電腦入面嘅 hard disk, memory card, 電話等等可以儲存資料嘅設備, 當你需要處理呢啲設備, 例如壞咗或者唔再用要棄置嘅時候, 就有需要先將入邊嘅資料徹底銷毀. 如果係電腦做普通format hard disk 係唔可以將資料徹底刪除, 通過數據恢復軟件有機會將資料還原, 如果hard disk壞咗, 亦都冇辦法做到format.
所以我哋會用比較徹底嘅方法, 一般我哋會用消磁機去將hard disk嘅資料徹底銷毀, 原理係消磁機會產生強大磁場, 將hard disk上面嘅磁性信號破壞, 令到資料永久刪除. 好處係一般只需要一分鐘內完成, 但係完成後hard disk唔可以再用返, 適合比較舊嘅或者壞咗嘅hard disk. 除咗消磁, 另外可以用抹除嘅方法, 原理係喺hard disk每一個位置上面寫上覆寫資料, 將成個hard disk之前的資料覆蓋, 好處係做完之後過hard disk可以重用, 但就比較花時間, 一般會適合想重用返個hard disk嘅用家. 另外亦都可以透過物理破壞, 即係整爛個hard disk去銷毀data, 但一般都建議做咗消磁處理先, 因為理論上data仲係碟面上面, 如果冇消磁都有可能讀到好少部分嘅資料出嚟, 雖然機會唔大.
如果係電話, 通常透過回復原廠設定就可以將資料銷毀, 因為好多電話本身有進行加密, 回復原廠設定後, 加密嘅資料會被刪除, 所以一般都可以將資料徹底銷毀, 如果唔放心或者部機開唔著就要進行物理破壞, 要拆開部機將入面粒memory chip 整爛.
所有裝置都有唔同嘅方法去徹底銷毀數據, 有需要可以同我諮詢.
