AG Technology

Vector-AG Technology Limited
ISO 9001
ISO 14001

咩係數據恢復?

數據恢復 (Data Recovery) 簡單嚟講, 就係將你壞咗嘅裝置入面的資料恢復, 或者將你唔見咗或者刪除咗嘅資料恢復. 譬如你部電腦壞咗, 外置hard disk 或者 USB 手指壞咗, 將入邊啲資料恢復出嚟. 處理方法有好多種, 主要睇返情況而定, 有時電腦壞咗, 資料未必有問題, 因為資料係儲存喺hard disk 或者 SSD入面, 如果好彩hard disk 或者 SSD冇壞, 咁直接喺第二部機讀返出嚟就得. 如果hard disk有問題, 咁就要睇返屬於乜情況, 通常磁頭問題比較常見, hard disk入面會有磁頭讀寫資料, 如果磁頭出咗問題, 好多時過hard disk會有怪聲, 呢啲情況就要即刻斷電, 因為如果繼續通電, 有可能令到入面隻碟嚴重刮花, 咁就有可能做唔到data出嚟. 處理方法係要換過好嘅磁頭入去, 而換嘅過程係需要喺無塵環境進行, 因為如果有塵喺hard disk入面, 就有可能導致碟面刮花. 另外, 換入去嘅詞頭都需要同原本個磁頭一樣先可以, 有時hard disk 就算 model 一樣, 磁頭都可能唔一樣. 除咗磁頭問題, 有時你可以讀到入面啲資料, 但係好慢, 或者開唔到, 咁就可能係個hard disk有bad sectors, 簡單嚟講即係hard disk有啲位置壞咗, 當電腦嘗試讀呢啲位置, 因為有問題而會好慢或者hang機, 呢啲情況我哋可以用工具將冇問題嘅資料讀出嚟, 而係有問題地方嘅資料有可能會冇左, 似乎情況而定.

如果USB手指壞咗, 首先要睇下係唔係手指入面粒chip爛咗, 如果爛咗就冇辦法處理, 其他常見問題包括插入電腦後問你要唔要格式化, 呢啲情況一般係分區出咗問題, 用專業數據恢復軟件好多時都可以將資料恢復, 但如果插入電腦後冇反應, 就要嘗試用儀器直接讀取memory chip, 睇下可唔可以攞返資料.

如果係唔小心刪除左資料, 刪除完之後冇再save其他新資料落去, 咁都有好大機會恢復到出嚟, 但係如果刪除咗之後, 有放過好多資料入去, 或者繼續用咗好耐, 咁機會就比較細, 因為刪除左資料後, 其實資料仲喺hard disk入面, 電腦係將資料嘅位置信息刪除, 開放返個位置放心資料入去, 所以如果有新資料放咗喺同一個位置, 咁刪除咗嘅資料就會俾覆蓋, 做唔返出嚟.

呢啲係比較想見嘅情況, 如果有其他問題歡迎致電查詢.